Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

80 pihatus karaja monginsonong bot mogigintong rondaan Esszone pikikiro opongo tulan diti

bot

SANDAKAN: Soginumu 80 pihatus ponginsanangan, papasang injin kawawagu om kakamot pogintong, kapaampai 94 bot rondaan id Zon Atampasi Kosilahon Sabah (Esszone) pikikiro opongoh kolilimpupuson tulan diti om sombohogian dau opongoh piintangaan tulan Kosiam abantalan.

Boyoon Tupisor Eksekutif Kinoyonon Koumoligan Poimbida Tisan Kosilahon Sabah (Esscom) Ruji Ubi minoboros do porojik ponginsanangan do bot dilo kapaampai balanja pikikiro RM10 riong lansanon kaanu popoingkawas karaja koumoligan id kowoigan Esszone.

Ka disio, kousinan dilo nopo nga sombohogian mantad RM23.7 riong poruntukan poimbida ih pinolulus Luguan Montiri Datuk Seri Najib Tun Razak kawawagu montok pomoli aset do Esscom.

Bot-bot diti sinanganu Agensi Monguasa Maritim Malaysia, Tinimungan Karaja Miampai, Tinimungan Gerakan Am om polis marin.

“Insya-Allah, sokiro toinsanan kapanau tosonong, toinsanan 94 bot opongo piintangaan tulan Kosiam toun diti,” ka disio soira tinombului id kinoyonon pamansaian do bot id Sandakan Jaya Teknik, osomok hiti di konihab.

Nokorikot nogi ih Potunud Komponen Rahat Esscom Laksamana Pertama Maritim M. Karunanithi om Potunud Longkod Karaja Esscom Brig Jen Datuk Tuan Roslan Tuan Ismail. – BERNAMA

Komen


Berita Berkaitan