Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

76 tangaanak puru KOPEKS nakaramit insentif balajaran

kopeks
KOTA KINABALU: Soginumu 76 tangaanak puru Koperasi Pekerja-Pekerja Kerajaan Sabah Bhd (KOPEKS) nakaramit insentif KOPEKS soginumu lobi RM11,600.

Ponorikohon KOPEKS, Datuk Hjh Maznah Hj Abdul Ghani, minoboros do toinsanan di mamaramit nopo nga susumikul id Pentaksiran Tingkatan Tiga (PT3) om Sijil Pelajaran Malaysia (SPM) toun 2014 om 2015.

“Soira o KOPEKS minoposurat kountungan om koporasi diti nga kaanu poingkawas kobajikan id mogisuai suai karalanon miagal ababayan montok mogigion, insentif balajaran kumaa tangaanak puru koporasi diti ih nakalantoi id poniisan PT3 om SPM,” ka disio.

Minoboros isido miagal dilo soira minanahak boboroson id kopotimpuunan ababayan panahakan insentif balajaran montok tangaanak puru om kopotimpuunan potikidan dividen KOPEKS montok toun 2014 id Dewan Serbaguna JKR, Sembulan, do hiti di baino.

Ka disio pambaraian dividen montok toun 2014 nopo nga goos takawas, ilo nopo nga soginumu RM 665,892 toi ko 15 pihatus mantad noturidong o koporasi dilo toun 1964.

“Pambaraian nopo diti nga mantad kountungan toun dilo soginumu RM2.779 riong, ilo nopo nga ponikidan iso pihatus kumaa yuran, limo pihatus kumaa saham om pomoruhang siam pihatus montok saguhati om saham puru,” ka disio. – SayangSabah

Komen


Berita Berkaitan