Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

7,000 liter petrol naahau, songulun tinahan

curi-mminyak
TAWAU: Songulun kusai kinoyonon tinahan do Pulis Marin kalapas amu nakaanu minopokito surat kasagaan pinomoli 7,000 liter tumau petrol ih nigitan momoguno korita id Sungai Tanjung Batu Laut, Logpond, hiti di songkosodop.

Komander Pulis Marin Nayatan Sabah, Asisten Komisioner Polis Mohamad Madun minoboros do ih natandasan kiumur 27 toun tinahan id iso operasi pikikiro jam ko-10.45 kosuabon.

“Mamaso sontinumungan pulis ih binuruan di Assisten Supritendant Krishnan A/L Ramasamy papanau karaja id kinoyonon dilo, nokito diolo iso korita di kororosi.

“Tinahan di puru pulis korita nokomoi om soira pinorisa nabantalan diolo 28 galon tumau id korita nokomoi,” ka diiso.

Ka disio, toiso-iso galon kisuang 25 liter tumau petrol kigatang pikikiro RM71,377.

Tumanud di Mohamad, i natandasan amu nakaanu minopokito surat kasagaan pinomoli tumau nokomoi mantad Komontirian Pidagangan Suang Pogun, Kopoerasi om Momoguno.

Kusai nokomoi tinahan montok soriukon id siriba Seksyen 7(4) Akta Kawalan Bekalan 1961. – Dii Masani Sandan / Sayangsabah

Komen


Berita Berkaitan