Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

7 susumikul UMS nakaramit sikulasip REPSOL.

ums
KOTA KINABALU: Turu tulun susumikul Universiti Malaysia Sabah (UMS) nakaramit tutungkap Sikulasip REPSOL tajaan Talisman Malaysia Ltd, di konihab.

Pongurus Aset Sabah, Talisman Malaysia Limited, Duncan Smart minoboros do panahakan sikulasip dilo kaanu mongunsub do tangaanak sikul potilombus balajaran id kaganaan Sains, Tiknologi, Injinoor om Matematik (STEM) kopiagal dilo rikoton do porinta poingkawas ginumu susumikul id kaganaan dilo.

“Sikulasipp dilo kaanu palabus graduan kinoyonon di haro toilaan om kaanu momonu kopokionuan do pomorunan lolobi id suang siktor tumau om gas,” ka disio.

Minoboros isido miagal dilo soira minanahak boboroson id ababayan Panahakan Tutungkap Sikulasip REPSOL, id Magellan Sutera Harbour Resort, do hiti.

Sabap dilo ka disio, sikulasip di pinosodia dilo baraian poimponu balajaran om elaun sara hidup suai ko manahak kosiwatan do susumikul nokomoi sumiliu palatih id kumponi diolo.

Suai koi lo, soginumu RM 1.3 riong pinosodia do kumponi nokomoi montok patahakon kumaa susumikul di kosudong montok timpu baljaran 2016/2017 id toinsanan universiti di nakaampai.

Ababayan sikulasip REPSOL nopo nga iso tonggungan sosial kumponi Talisman Malaysia Ltd kumaa susumikul di mongoput balajaran id piro-piro universiti kinoyonon nopili kosuang Universiti Teknologi Malaysia (UTM), Universiti Malaya (UM), Universiti Sains Malaysia (USM) om UMS.

Nokotindapou nogi ih Dekan Fakulti Injinoor, UMS, Prof. Ir. Dr Rosalam Hj. Sarbatly, Kumodio Dekan Ahal Susumikul Fakulti Injinoor, Prof. Madya Dr Razak Mohd Ali Lee om Boyoon Piromutan Komuniti Talisman Malaysia Ltd, Eddie Abdullah. – SayangSabah

Komen


Berita Berkaitan