Sayang Sabah Facebook

Likes
Sayang Sabah Twitter

11,675

Followers

Sayang Sabah - Portal Berita Negeri Kita

7 sikuriti tinahan momoguno kad kointutunan pilasu

11:10pm 23/03/2016 Maryann 1 views Abal Kinoyonon,Berita Pilihan,Kinoyonon,Kota Kinabalu

pengawal-keselamatan-600x366
PUTRAJAYA: Turu sikuriti tinahan id suang Ops ID totuong kosodop sabap kikotumbayaan momoguno kad kointutunan pilasu montok kumaraja id Cyberjaya.

Iyolo dilo kiumur id pialatan 30 om 40 toun tinahan id suang karaja mimpuun jam 10.30 totuong ih pinapanau Koupisan Porijistaan Pogun (JPN), Putrajaya id MCMC Tower 1 & 2, Cyberjaya mamaso pakaraja id kadai dilo.

JPN id suang kointalangan tadau baino minoboros do id kinoyonon dilo, sikuriti dilo minamadawa iyolo mantad Sabah om tanak mogigion pogun dilo.

“Mantad ponoriukan kumaa toinsanan kad kointutunan di ginuno noilaan do ilo nopo nga pilasu,” tumanud kointalangan.

Tumanud do JPN, ponoriukan noilaan iyolo nakaanu kad kointutunan maya sindikit id Sandakan, Sabah miampai mambarai RM500 montok toiso-iso kad kointutunan.

Kointalangan dilo minoboros do ponoriukan potilombus kumaa toinsanan sikuriti nokomoi, noilaan onom mantad diloo mangakun mantad Basilan, Filipina om songulun mangakun mantad Sulawesi Selatan, Indonesia.

Tumanud JPN, toinsanan sikuriti dilo tinahan tumanud Kooturan 25(1)(e) Peraturan-Peraturan Porijistaan Pogun 1990 (Pinoundaliu 2007) ih mogowit hukuman tolungku amu katalib tolu toun toi ko danda amu katalib RM20,000 toi ko koduo duo sokiro oilaan nakasala. – BERNAMA

Apa Komen dan Pendapat Anda

Artikel Berkaitan