Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

67 raan PBS Tambunan nakaramit sakadai

Pairin Kitingan (tanga) sumalam miampai puru tinimungan Komulakan PBS soira nokorikot id kompleks sipoot Tambunan.
Pairin Kitingan (tanga) sumalam miampai puru tinimungan Komulakan PBS soira nokorikot id kompleks sipoot Tambunan.

TAMBUNAN – Soginumu 67 raan Komulakan Paati Bersatu Sabah (PBS) id watas diti nakaramit sakadai kakamot montok sipoot mantad Kumoduo Boyoon Montiri i ponogi Montiri Kotundaan Infrastruktur pogun Tan Sri Joseph Pairin Kitingan.

Ababayan panahakan sakadai dilo pinaharo id kompleks sipoot hiti kopihondot ababayan Santai Komulakan Miampai Susuminding Kinoyonon Sabah pinaanjur Komulakan PBS raaan Tambunan.

Boyoon dau, Rocky Jerome minoboros do ababayan dilo kihontolon popogirot piromotan id tanga puru ngawi tinimungan nokomoi, komulakan Tambunan om momolihis Sabah miampai momuruan kinoyonon mantad watas diti.

Pairin Kitingan (tanga) papatahak toluod kumaa Kelab Motosikal Tambunan. – foto Kalawon Sawing
Pairin Kitingan (tanga) papatahak toluod kumaa Kelab Motosikal Tambunan. – foto Kalawon Sawing

“Alansan tokou sakadai dilo kaanu poposindak sunduan sipoot id pogun diti moi kotilombus kalantoi lolobi id tinimungan komulakan ih haro bakat om kitangaayan takawas montok lumantoi id kaganaan diti,” ka disio.

Id ababayan dilo Pairin ih ponogi Puru Walai Koundangan Pogun (Adun) Tambunan minapatahak sakadai tusin kumaa kotinanan okon ko porinta kosuang nogi Rumah Kanak-Kanak Bondulu Toboh soginumu RM11,000, i notimung mantad tulun ginumuan.

Suai ko ilo, kotinana suai i nakaramit tutungkap mantad Komulakan PBS, nopo nga Kelab Zumba Fitness Tambunan, Kelab Memancing Tambunan om Kelab Motorcycle Tambunan, toiso-iso nakaramit RM500. – Diii Kalawon Sawing / SayangSabah

Komen


Berita Berkaitan