Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

60 PATI tinahan, 20 walai sotingan hinuyas id Sandakan

pati sandakan

SANDAKAN: Soginumu 60 tulun modidikot aiso kasagaan (PATI) ih poingion id kinoyonon sotinggan miinsomok Taman Kenari Batu 7 do hiti tinahan id karaja miuhup songkosodop.

Pinapanau karaja dilo sumusuhut kinaantakan songulun puru bomba noiduan ginawo soira noontik karon lotirik mantad pomowoiringan aiso kasagaan id walai sotinggan id karaja momisok tapui id kongungutan miinsomok do pomuwalaian dilo.

Boyoon Pulis Watas Sandakan ACP Zabidi Mohd Zain minoboros do karaja dilo nokotimpuun jam 4 kosuabon papaampai mogisuai suai agensi kosuang tinimungan Kinoyonon Koumoligan Poimbida Tisan Kosilahon Sabah (Esscom), Sabah Electricity Sdn Bhd (SESB), Koupisan Imigresen, Koupisan Porijistaan, Koupisan Tenaga Kerja om Kaunsol Kakadaian Sandakan (MPS).

Toinsanan PATI di tinahan pinatahak kumaa Koupisan Imigresen montok laang potilombus om pinaatod kuminaa Longkod Tahanan Daamot Sibuga, ka disio do hiti.

Damot dilo Panakadai Upisor Totuo Kopoimaganankuasa’ MPS i Sairin Abdul Rahman minoboros do 20 walai sotinggan toi ko aiso kasagaan hinuyas id kinoyonon dilo ih poinsumpak id tohuri Taman Kenari.

Ka disio karaja momohuyas walai dilo pinotimpuun jam 2 sosodopon sumusuhut karaja miuhup pinapanau tinimungan koumoligan. Toinsanan walai dilo tiyonon do PATI. – BERNAMA

Komen


Berita Berkaitan