Sayang Sabah Facebook

Likes
Sayang Sabah Twitter

11,803

Followers

Sayang Sabah - Portal Berita Negeri Kita

6 songkosuaian tinahan kikotumbayaan manahak kointalangan tulun taraat

9:18pm 13/02/2016 Maryann 1 views Abal Kinoyonon,Berita Pilihan,Kinoyonon,Kota Kinabalu

sosma
KOTA KINABALU: Tinimungan koumoligan minanahan onom tulun kosuang songulun tondu tumanud Akta Kasalaan Koumoligan (Laang-Laang Poimbida) 2012 (SOSMA) id karaja poimbida pomuwalaian palarian Polipin om sotinggan id Telipok, somok hiti di tadau baino.

Toinsanan tulun songkosuaian dilo kiumur 19 gisom 50 toun kikotumbayaan aparagatt patahak kointalangan om monguhup di tulun taraat toi ko panjanaya songkosuaian id Sabah.

Iyolo nopo nga wookon 520 tulun di tinahan id suang karaja poimbida kapaampai lobi 1,000 puru pulis om susumangod ih pinaatod id pomuwalaian dilo maya karaja poimbida, minimpuun jam 1 minsusuab kosodop.

Posurujaya Polis Sabah, Datuk Abd Rashid Harun, minoboros do ponoriukan potilombus do babaino diti mangan papanaho montok mongintutun do onom tulun dilo nakaampai om haro kogoitan dilo tinimungan mononongoi montok mokianu tusin tobusan (KFR) ih aparagat id tisan kosilahon pogun diti.

“Mantad kointalangan di naramit om ponoriukan di pinapanau, karaja diti numaan papanaho montok mogiintong om potilombus manahan do dalang ih manahak kointalangan om pomguhupan kumaa tulun taraat songkosuaian.

“Onom tulun dilo tinahan id piro-piro walai id pomuwalaian dilo om haro id wookon diolo miobpinai, suai ko haro nogi ih kiharo dokumen pointopot,” ka disio kumaa maganu habar id Longkod Tupis Pulis Kontinjen (IPK) Sabah, di tiinu.

Poingkuro poh, minongolim ih Abd Rashid do naahau kaka do tinimungna koumoligan o sindata tapui id pomuwalaian dilo miagal di nokosibar maya media sosial.

Ka disio, pomorisaan pinapanau kumaa soginumu 1,537 walai kapaampai 4,794 pinorisa miampai 520 nopo dau tinahan montok ponoriukan potilombus.

“Mokianu o pulis kumaa tulun ginumuan do potilombus manahak kointalangan kumaa tinimungan koumoligan mooi pogun diti kotilombus ajamin. Id timpu dilo, rayat kada pokinongou habar tongus gisom poimbulai korosian id tanga tulun ginumuan,” ka disio. – BH Online

Apa Komen dan Pendapat Anda

Artikel Berkaitan