Sayang Sabah Facebook

Likes
Sayang Sabah Twitter

11,746

Followers

Sayang Sabah - Portal Berita Negeri Kita

59,700 graduan kinapaasan ijazah kakal aiso karaja id Malaysia

1:36pm 16/02/2016 Maryann 4 views Abal Kinoyonon,Kinoyonon,Kota Kinabalu

ums graduan
KOTA KINABALU: Soginumu 59,700 tulun aiso karaja id Malaysia nopo nga graduan kinapaasann ijazah.

Tumanud Boyoon Potunud Bohogian Pamalanan Ekonomi, Koupisan Luguan Montiri Datuk Seri Dr. Rahamat Bivi Yusoff, pongintaban dilo tumanud Ponoriukan Tenaga Buruh 2015 ih pinapanau do Koupisan Pongintaban Malaysia.

“Ahal diti naantakan doti sasabap okurian do kosiwatan pakarajaan ih pinosodia do pomorunan, aantakan doti ‘mismatch’ id tanga graduan om karajaon di haro toi ko okurian do ‘soft-skills’ papasabap graduan tokou osusa kaanu karaja,” ka disio.

Minoboros isido miagal dilo soira minanahak boboroson id ababayan Tomuduga Poingukab Skim Latihan 1Malaysia (SL1M) Nayatan Pogun Sabah id Universiti Malaysia Sabah (UMS), do hiti di konihab.

Dr. Rahamat minoboros do ababayan SL1M nopo nga ababayan pinapanau porinta id siriba Bohogian Pamalanan Ekonomi om nakaanu minanahak kosuulan kumaa logi 71,000 tulun graduan mantad nokointutun ilo di toun 2011.

“Tadau baino, lobi 3,000 kosiwatan pakarajaan pinosodia do lobi 40 kumponi ih nakaampai id ababayan diti solinaid duo tadau,” ka disio. – Dii Leolerry Lajius/Sayang Sabah

Apa Komen dan Pendapat Anda

Artikel Berkaitan