Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

58 pihatus banduan id panjara Sabah, tulun songkosuaian

banduan 19

TAWAU: Soginumu 58 pihatus mantad 6,500 tulun tinahan om banduan ih mamaso papanau hukuman sabap mogisuai suai kasalaan id onom panjara poimpuli Sabah nopo nga tulun songkosuaian, ka di Potunud Koupisan Panjara Sabah Ab Basir Mohamad.

Minoboros isido mantad komposisi tahanan om banduan tulun songkosuaian dilo, soginumu 78 pihatus tulun Filipina, 17 pihatu Indonesia om limo pihatus mantad pogun do suai.

“Pikikiro 40 pihatus tahanan om banduan mantad Filipina mamaso papanau hukuman sabap kasalaan dadah om kogumuan tulun Indonesia di tinahan nopo nga kasalaan Imigresen,” ka disio kumaa maganu habar kalapas minongukab Tadau Penjara Ko-225 Nayatan Institusi Panjara Tawau.

Minoboros ih Ab Basir panjara id Sabah do babaino diti kaanu poporumpos ginumu tahanan om banduan katalib korumposon ih haro mantad, ilo nopo nga 5,500.

“Do babaino diti panjara Sabah haro noh lobihan korumposon ih haro mantad soginumu 35 pihatus. Sabap dilo minaganu yahai piro piro ponginsamakan do lumipantai kobolihangkangan diti.

“Montok mongingkuri kosoloton id panjara, di kawawagu pinapanau dahai poundolihan soginumu 200 banduan tulun Indonesia kumaa id panjara Sarawak om ababayan poundolihan diti papanahon kawagu id timpu abantalan,” ka disio. – BERNAMA

Komen


Berita Berkaitan