Sayang Sabah Facebook

Likes
Sayang Sabah Twitter

11,728

Followers

Sayang Sabah - Portal Berita Negeri Kita

54 tulun nokopupus poniisan panarapan Pengakap Raja Pogun Sabah 2016

9:56pm 17/03/2016 Maryann 2 views Abal Kinoyonon,Kinoyonon,Kota Kinabalu

pengakap
KOTA KINABALU: Soginumu 54 tulun puru pengakap mantad onom bohogian pogun diti nakatanud kiim poniisan panarapan Pengakap Raja pogun Sabah mantad ko-14 tulan Kotolu nakatalib.

Kumoduo Boyoon Posurujaya Pengakap Pogun Sabah, Mejar (B) Hj. Baharudin Ujang minoboros do ababayan dilo nopo nga pingisaman Pisompuruan Pengakap Malaysia Raan Sabah (PPMCS) montok palabus tinimungan komulakan di haro kowowoyoon tosonong maya ababayan pengakap.

“Ababayan diti pinapanau monikid toun nga tumanud do tutumanud sondiri om soginumu 32 tulun jurulatih nakaampai id panarapan toun baino, ih popokito kotonudan goos togumu.

“Poompus hiti yolo, nawayaan diolo 13 poniisan montok papaanu diolo kosudong mamaramit do sitipikit ih sinoinan toinsaan Raja-raya Melayu om Tuan Yang Terutama (TYT) di toinsanan pogun di aiso raja,” ka disio.

Minoboros isido miagal dilo kumaa maganu habar kalapas ababayan ponutuban panahakan sitipikit kumaa tutumanud id Rumah Pengakap, do hiti di baino.

Baharuddin ih ponogi Boyoon Panarap minoboros do toinsanan tutumanud di tinanud poniisan dilo nakatanud nogi Pra-poniisan id bohogian toiso-iso diolo pogulu tinanud do poniisan id nayatan pogun. – SayangSabah

Apa Komen dan Pendapat Anda

Artikel Berkaitan