Sayang Sabah Facebook

Likes
Sayang Sabah Twitter

11,642

Followers

Sayang Sabah - Portal Berita Negeri Kita

54 PATI tulun Filipina tinahan id Ops Nyah Bersepadu

10:08am 02/12/2015 Maryann 1 views Abal Kinoyonon,Kinoyonon,Kota Kinabalu

pati
KOTA KINABALU: Pulis minanahan 54 modidikot songkosuaian aiso kasagaan (PATI) tulun Filipina id karaja Nyah Bersepadu posorili Kota Kinabalu, tadau Kolimo nakatalib.

Mongigit daamot Boyoon Pulis Kakadaian Kota Kinabalu DSP Yong Thein Foh minoboros do karaja dilo nokotimpuun mantad jaam ko-2 kosuabon pinapanau id tolu kinoyonon sotinggan kaampai Kampung Cempaka, Kampung Menggorok om Bentayan Tayap, Luyang.

Tumanud disio, PATI dilo tinahan mantad pomorisaan do pulis kumaa 127 tulun kosuang walu tulun mantad Indonesia om songulun tulun kinoyonon.

“Poompus karaja dilo, turu tulun kusai noilaan positif poniisan do sobu mantad 26 tulun di pinorisa kosuang songulun tondu,” ka disio id iso kointalangan do hiti.

Minoboros ih Yong do karaja dilo pinapanau solinaid limo jaam binuruan tolu tupisor miampai 140 puru mantad mogisuai-suai agensi kosuang Kounsil Koumoligan Pogun (MKN), Koupisan Portahanan Kogumuan Malaysia (JPAM) om Koupisan Imigresen. – BERNAMA

Apa Komen dan Pendapat Anda

Artikel Berkaitan