Sayang Sabah Facebook

Likes
Sayang Sabah Twitter

11,795

Followers

Sayang Sabah - Portal Berita Negeri Kita

510 kiis upalai kasagaan misasawo id siriba toun id Sabah: Nancy

11:23pm 12/02/2016 Maryann 1 views Abal Kinoyonon,Kinoyonon,Sandakan

kes
SANDAKAN: Soginumu 510 kiis Upalai Kasagaan Misasawo Siriba Toun pinosurat do Koupisan Kehakiman Syariah Sabah poompus toun 2013 gisom toun nakatalib.

Montiri id Koupisan Luguan Montiri Nancy Shukri minoboros do pongintaban dilo nokoinsiriba 151 kiis di toun nakatalib piagalon 179 kiis toun 2014 om 180 kiis toun 2013.

Suai koi lo, ka disio Koupisan Perkhidmatan Kebajikan Am Sabah minonguu soginumu 5,762 kiis sosial komulakan om tangaanak mantad toun 2010 gisom tulan Kohopod om Iso toun nakatalib.

Wookon nopo kiis di pinosurat nga popologos, penderaan seksual om fizikal, pataam do tanak om koligogon kowowoyoon.

“Toinsanan puru mositi miuhup om manahak pogintangan pointopot kiis kapaampai koonduan om tangaanak id pogun diti mooi kasasari yolo otungolig id siriba kooturan,” ka disio.

Minoboros isido miagal dilo soira minopotimpuun Sominar Karait Kopotutan om Ahal Ngawi Koonduan om Tangaanak pinaanur Majlis Penasihat Koonduan Sabah (MPWS) do hiti di baino.

Seminar sangadau dilo notindapou soginumu 300 tulun. Nokorikot nogi ih Ponorikohon MPWS ih ponogi Luyor Tagayo Pogun Sabah Datuk Mariati Robert. – BERNAMA

Apa Komen dan Pendapat Anda

Artikel Berkaitan