Sayang Sabah Facebook

Likes
Sayang Sabah Twitter

11,646

Followers

Sayang Sabah - Portal Berita Negeri Kita

50 tutumanud Millah Abraham nointutunan id Sabah: Polis

12:44am 27/03/2016 Maryann 0 views Abal Kinoyonon,Berita Pilihan,Kinoyonon,Kota Kinabalu

millah-600x366
KOTA KINABALU: Soginumu 50 tulun kosuang puru paganakan, nointutunan nosiliu tutumanud tinimungan ponontudukan posomputul Millah Abraham id Sabah, ka di kata Kumoduo Posurujaya Polis Sabah Datuk Awang Sahari Em Hadzeer.

Minoboros isido do kointalangan dii naanu diolo nopo nga ih tinimungan semi profesional, komulakan om sukod wagu om nointutunan nogi haro kokompungan id Tuaran, Sandakan, Tawau suai ko id posorili Kota Kinabalu.

“Polis Sabah mamaso monorisid om miuhup miampai puru Jawi (Koupisan Ugama Islam Nayatan Pisompuruan) montok papanau laang okodou (kumaa tinimungan ponontudukan posomputul dilo).

“Tadon tinimungan dilo nopo nga mantad Semenanjung nga sombohogian tulun Sabah nakampai,” ka disio kumaa maganu habar kalapas nokotindapou id ababayan baris Tadau Kasarahan Pulis ko-209 do hiti di konihab.

Tumanud dii Awang Sahari tinimungan dilo soriukon do puru pointantu sabap kikotumbayaan papanau koubasanan om ababayan di kopitahub miampai akidah Islam.

Nuhot karait tana di dinawa binoli tinimungan dilo id Tuaran, ka disio, ahal dilo nga kakal id suang ponoriukan.

Karait ‘panglima’ Sulu pinili id monikid Walai Koundangan Pogun Sabah, minoboros ih Awang Sahari do puru disio mamaso monoriuk ahal dilo om manahak pogintangan poimponu kosuang maganu laang okodou.

“Potilombuson do pulis karaja montok mogintong kosimbayanon, koumoligan om kadaulatan do pogun Sabah kasasari ajamin,” ka disio. – BERNAMA

Apa Komen dan Pendapat Anda

Artikel Berkaitan