Sayang Sabah Facebook

Likes
Sayang Sabah Twitter

11,805

Followers

Sayang Sabah - Portal Berita Negeri Kita

43 rumun do dadah sinugkuan id Op Sarang id Sabah

11:11pm 21/03/2016 Maryann 1 views Abal Kinoyonon,Kinoyonon,Kota Kinabalu

sarang dadah
KOTA KINABALU: Soginumu 43 rumun toi ko ‘port’ kasalaan momoguno dadah sinugkuan poompus ‘Op Sarang’ ih pinapanau poimpuli pogun diti minggu nakataliB.

Boyoon Koupisan Pomoriukan Kasalaan Tawagat Narkotik (JSJN) Pogun Supt. Mohammed Fadzil A. Rahman minoboros do soginumu 268 kiis pinosurat karait kasalaan momoguno dadah miampai 288 pamagakaman poompus karaja limo tadau dilo mantad ko-14 tulan Kotolu nakatalib.

“Ilo nopo nga (268 kiis) kapaampai 15 kiis bakalan om 23 kiis kisanganu dadah miampai ginumu naahau 135.88 gram syabu.

“Soginumu 205 nagakom noilaan positif dadah syabu kalapas poniisan doo sobu,” ka disio id pitimungan habar do hiti di baino.

Mohammed Fadzil minoboros do kogumuan rumun toi ko port dilo id watas tagayo miagal Kota Kinabalu, Tawau, Sandakan om Lahad Datu, om umur nopo di nagakom nga 20 gisom 40 toun.

Ka disio montok timpu tulan Koiso toun diti gisom kosodop, JSJN Sabah nakanu minomoto 140 kiis bakalan dadah miampai 219 tulun ginakom.

Montok bohogian haro dadah nopo nga soginumu 453 kiis miampai 541 nagakom, 2,747 tulun positif dadah, ka disio. – BERNAMA

Apa Komen dan Pendapat Anda

Artikel Berkaitan