Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

405 susumikul UPSR nakaanu A toinsanan mato balajaran

upsr tg aru
KOTA KINABALU: Soginumu 405 tangaanak sukul Poniisan Penilaian Sekolah Rendah (UPSR) poimpuli watas Kota Kinabalu nakaanu minoposurat kinalantaian nayatan A montok toinsanan mato balajaran di naanu.

Koputusan dilo posiliu Kota Kinabalu sabaagi ponuang tagayo kumaa kinomogoton koputusan UPSR poimpuli pogun Sabah.

Tupisor Balajaran Watas Kota Kinabalu Haji Bad Hamid Haji Musli minoboros do, montok toinsanan nopo soginumu 3,440 mantad 5,889 susumikul nakaanu minoposurat sokuri-kuri kinapaasaan nayatan C montok UPSR toun diti.

“Mantad nopo sinonong do Gred Purata Watas (GPD) koputusan do babaino diti minopokito kinoingkawason soginumu 0.06 mantad 2.42 toun nakatalib kumaa 2.48 toun diti,” ka disio.

Ka disio, soginumu apat sikul id watas diti nakalantoi id tanga 10 sikul nakaanu koputusan UPSR goos tosonong poimpuli Sabah ilo nopo nga SK Sri Gaya, SK. St.Agnes, Sk. St. Francis Convent OM SK. Tanjung Aru II. – Leolerry Lajius/Sayang Sabah

Komen


Berita Berkaitan