Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

355 Kampung id Sabah nokotoguang waya sasabap timpu magadau: JPAM

keningau-air-600x450
KOTA KINABALU: Soginumu 355 kokompungan id 22 watas poimpuli pogun diti nokotoguang waya om kobolihangkangan amu abagalan do waig sasabap timpu magadau om El Nino.

Potunud Koupisan Koumoligan Kogumuan Malaysia (JPAM) pogun, Mulliadi Al-Hamdi Ladin minoboros do watas Pitas nopo nga wookon di noindamaan kapaampai 53 kampung, ttinanud do watas Tuaran (43 kampung), Kota Kinabalu lolobi id Inanam (36 kampung), Kota Belud (26 kampung) om Beaufort (23 kampung).

“Watas sudi di nokotoguang waya dilo nopo nga id Kuala Penyu, Kudat, Papar, Ranau, Sook, Tawau, Keningau, Penampang, Membakut, Tambunan, Tenom, Menumbok, Telupid om Kota Marudu,” ka disio id kointalangan do hiti.

Tumanud disio, puru dau potilombus pogintangan id timpu timpu montok mogintong kabagalan do waig katahak kumaa kampung ngawi di naantakan.

“Sokiro karamit do ruputan, mongoi yahai id kampung dilo montok mongilo kopio katapatan do ruputan dilo. Kalapas momonsoi ruputan kumaa tupisor watas om pootodon nogi dahai waig miampai ponguhupan mantad piro-piro puru kosuang bomba, susumangod, koupisan waig om Koupisan Karaja Tagayo.

“Iti nopo nga piuhupan montok mogintong kabagalan do waig oborisi aanu patahakon kumaa mogigion kampung,” ka disio. – BERNAMA

Komen


Berita Berkaitan