Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

30,000 susumikul Sabah nakaanu kosuulan balajaran

musa ys kl
KUALA LUMPUR – Lobi RM500 riong pinabalanja doo Kumpulan Yayasan Sabah (YS) montok popotunda balajaran id pogun diti om mantad ginumu dilo, soginumu RM214 riong pinosodia montok manaja soginumu 4,823 susumikul balajar di nayatan diploma, ijazah, sarjana om pongubatan.

Potunud dau Datuk Sapawi Ahmad minoboros do id timpu 1970 gisom 2014, YS minanahak pangalasan balajaran kumaa 8,883 susumikul soginumu RM191 riong,” ka disio id ababayan mongukab puasa miampai Boyoon Montiri Sabah ih ponogi ponorikohon Lembaga Pemegang Amanah Yayasan Sabah, Datuk Seri Musa Aman miampai mahasiswa Sabah id Longkod Pidagangan Sompomogunan Putra (PWTC) songkonihab.

Minoboros isido do, YS nga mimapabalanja osomok RM50 riong montok manaja 464 susumikul cemerlang Sabah mongoput balajaran id uniborsiti pilian susumikul nokomoi om gisom baino soginumu 30,000 susumikul nakaanu kosuulan mantad noturidong ilo.

“Onuan tokou pamagatangan susumikul ih nakaanu koputusan tosonong id poniisan Sijil Pelajaran Malaysia om manahak diolo Anugerah Sikulasip Cemerlang Pogun Sabah (ABCNS),” ka disio.

Tumanud disio, koposoguluanan kotundaan balajaran id pogun diti kasasari poingkawason kihontolon mogintong kopio sukod wagu cemerlang id Sabah amu atatak id balajaran.

“Otumbayaan tokou palaburan id balajaran diti kaanu manahak pulangan tagayo id timpu abantalan om intangan tokou kopio sukod wagu Sabah kaanu kotilombus momurimon balajaran dit tosonong,” ka disio. – SayangSabah

Komen


Berita Berkaitan