Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

3,000 tulun nokotindapou mamaramai Deepavali

deepavali likas
KOTA KINABALU: Pikikiro 3,000 tutumombului nokorikot id ababayan walai poingukab Tadau Deepavali pinaanjur do Kotinanan Piromutan MIC Sabah id Dewan Likas do hiti di konihab.

Ababayan dilo notindapou di Tuan Yang Terutama Yang Dipertua Pogun Sabah Tun Juhar Mahiruddin om sawwo Toh Puan Norlidah R.M Jasni miampai Boyoon Montiri Sabah, Datuk Seri Panglima Musa Aman, om momuruan ngawi Sabah.

Ponorikohon Kotinanan Piromutan Datuk V.Jothi minoboros do karamaian walai poingukab dilo okon nopo ko notindapou mogigion India kiugama Hindu nga naramai nogi tulun ginumuan mogisuai-suai tinaru, ugama om koubasanan.

“Otood ginawo ku ogumu tulun nokorikot minamaramai karamaian diti sundung mogisuai-suai tinaru om ugama. Kinorikatan diolo popokito piuludan id kopogisuai-suaian tinaru id Sabah om nogi popokito koimayaan pogun diti,” ka disio.

Minoboros isido miagal dilo soira rinuba maganu habar id ababayan walai poingukab Tadau Deepavali do hiti di konihab.

Mongunsikou nogi ih V.Jothi kumaa porinta pogun sabap poruntukan om sakadai di pinatahak kumaa panganut do Hindu id Sabah. – Dii Dewiana Tinggolongon / sayangsabah.

Komen


Berita Berkaitan