Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

29,970 paganakan mosikin karamit sakadai MyBeras id Sabah

MyBeras-600x366
KOTA KINABALU: Soginumu 29,970 paganakan mosikin id Sabah karamit do sakadai maya ababayan MyBeras ih mangan potimpuunon tulan Kolimo 2016 gisom Koudo 2017, ka di Kumoduo Boyoon Montiri Datuk Seri Yahya Hussin.

Isido ih ponogi Montiri Kotundaan Pomutanaman om Pomorunan Taakanon minoboros do ababayan dilo pinoumum di LuguanMontiri Datuk Seri Najib Tun Razak id ponguludan kawagu Bajet 2016, kituduan monguhup paganakan mosikin ih nakawaya kinoingkawason gatang babarang.

“Mamaramit sakadai dilo kaanu do wagas dilo id longkod panahakan toiso-iso watas,” ka disio.

Minoboros ih Yahya miagal dilo soira minonimbar ponguhatan dii Jeremy Malajad (Bebas-Kadamaian) om Christina Liew (PKR-Api-Api) id pitimungan Walai Koundangan Pogun Sabah do hiti di konihab.

Id siriba ababayan dilo, Kotinanan Paladangan Kinoyonon (LPP) kitonggungan do paatod wagas id longkod panahakan monikid watas nga montok paganakan mosikin I kampung poimpisuk-pisuk, onuan yolo RM50 sombulan sabaagii ganti do pangatadan wagas id kinoyonon diolo.

Ababayan MyBeras nopo nga montok toinsanan paganakan mosikin di nokorijistor id siriba e-Kasih om karamit soginumu 20 kilogram wagas monikid tulan. – BERNAMA

Komen


Berita Berkaitan