Sayang Sabah Facebook

Likes
Sayang Sabah Twitter

11,697

Followers

Sayang Sabah - Portal Berita Negeri Kita

Piro-piro kinoyonon id watas Bingkor, Keningau nokotoguang kobolihangkangan waig

11:13pm 21/03/2016 Maryann 1 views Abal Kinoyonon,Keningau,Kinoyonon

keningau air
KENINGAU : Piro-piro kinoyonon id watas Bingkor nokotoguang kakasahan kabagalan waig oborisi sasabap El-Nino om timpu magadau ih naantakan id pogun diti.

Wookon nopo kampung di nopututan do waig nga Kampung Sandapak, Kampung Singgahmata om Kampung Binkor Lama.

Songulun mogigion Kampung Bingkor Lama, Juanita Ribus,43, minoboros do mantad tulan nakatalib, waig id kampung dau okuri noh om id tumpu duo minggu tulan diti, aiso waig id kampung dau.

“Maganu podii yahai waig mantad tangka di pinoopi om waig mantad rasam di notimung dahai pogulu diti. Montok tiinumon om mogonsok nopo nga momoguno yahai waig id botol.

“Asansagan yahai modsu om monusi kain id walai molohing dahai id Kampung Bingkor Baru ih kakal haro waig. Kadang-kadang mooi ngoyon dahai pupuai kain id dobi toi ko id Baang Bayayo,” ka disio soira rinomut do Bernama.

Elvina Jallis, 31, mantad Kampung Tangkungon, minoboros do kakasahan kabagalan do waig id kampung dau mantad tolu minggu nakatalib.

Ka disio mogigion kampung nasansagan maganu waig mantad Baang Tangkungon montok gunoon monikid tadau.

Daamot idlo Injinoor Waig Keningau, Tam Yin Foon, minoboros do kobolihangkangan waig id watas dilo mantad kowowoyoon waig id baang di oribau, potilombus mogowit okurian waig id baang di osiop.

Ka disio, kotolu-tolu baang tagayo ih nosiliu tudan do waig id watas Keningau ilo nopo nga Baang Bayayo, Baang Liawan om Baang Pampang nga mimpuun noh rumasak. – BERNAMA

Apa Komen dan Pendapat Anda

Artikel Berkaitan