Sayang Sabah Facebook

Likes
Sayang Sabah Twitter

11,791

Followers

Sayang Sabah - Portal Berita Negeri Kita

269,731 tinan ponyu tinindal, mogontolu id suang 36 toun

1:38pm 28/03/2016 Maryann 5 views Abal Kinoyonon,Berita Pilihan,Kinoyonon,Sandakan

penyu
SANDAKAN: Soginumu 269,731 tinan ponyu tinindal om mogontolu pinosurat id Taman Pulou-Pulou Ponyu (TPPP) mantad toun 1979 gisom 2015.

Taman Pulou-Pulou Ponyu kapaampai tolu pulou, ilo nopo nga Selingan, Gulisaan om Bakkungaan Kecil kiginayo 1,740 hektar ilo nopo nga 18.2 hektar solintana om 1,721.8 hektar rahat.

Potunud Taman-Taman Sabah Dr Jamili Nais minoboros do ginumu tontolu ponyu di pinuhu id suang timpu dilo nopo nga 22 riong om ginumu naadsa tanak ponyu nopo nga 16 riong tinan.

Ka disio tolu longkod paadsasan do ponyu pinoimbulai id tolu pulou dilo ih nosiliu kinoyonon titindalon do ponyu montok mogontolu kapaampai spesis ponyu otomou, ponyu kisisi om ponyu lipos.

Tapak paadsaan do ponyu kumoiso winonsoi id Pulou Selingan di toun 1966 sinusuhut id Gulisaan om Bakkungaan Kecil di toun 1968, ka disio soira minapatahak kointalangan toniba mamaso kotombuluian karaja Montiri Kotombuluian om Kouasanan Datuk Seri Mohamed Nazri Abdul Aziz id Pulou Selingan, tadau Minggu.

Minoboros ih Jamili do tolu pulou di pinangaran sabaagi TPPP di toun 1977 om wookon onom taman marin ih haro id pogun diti.

Ka disio, TPPP kosuang id Kinoyonon Kotungoligan Tinungkusan Pulou Ponyui di kowoigan Malaysia om Filipina ih kapaampai siam pulou. – BERNAMA

Apa Komen dan Pendapat Anda

Artikel Berkaitan