Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

266 PATI tinahan id Op Miuhup MKN id Sandakan

pati sandakan

SANDAKAN: Soginumu 266 Modidikot Songkosuaian Aiso Kasagaan (PATI) tinahan id suang karaja miuhup ih pinapanau Kounsil Koumoligan Pogun (MKN) id watas diti solinaid duo tadau nopupusan konihab.

Monunurat MKN Sabah Rodzi Md Saad minoboros do karaja dilo nokotimpuun jam 1.30 kosuabon tadau Kaapat nakatalib gisom jam 8.30 totuong om manahak ponumpuan id piro-piro kinoyonon kosuang id sakai do waig miinsomok kakadaian Sandakan.

Ka disio, id karaja miuhup ko-11 dilo, soginumu 320 tulun pinorisa nga 266 noh tulun kiumur sontoun gisom 59 toun tinahan tumanud Akta Imigresen 1959/1963 om Kooturan Imigresen.

Iyolo dii tinahan kosuang 168 kusai om 74 tondu tulun Filipina, 23 mantad Indonesia (14 kusai om siam tondu) om songulun amu poh nointutunan, ka disio id iso kointalangan dohiti di konihab.

Tumanud disio id suang timpu tulan Koiso gisom tulan Koturu nakatalib, soginumu 2,854 PATI tinahan id karaja miuhup ih pinapanau do MKN id pogun diti.

Ka dii Rodzi, soginumu 15,296 PATI nakaatod noh muli id pogun diolo id timpu miagal kaaampai soginumu 11,917 tulun Filipina; 3,379 Indonesia om topod nopo nga tulun id pogun suai. – BERNAMA

Komen


Berita Berkaitan