Sayang Sabah Facebook

Likes
Sayang Sabah Twitter

11,653

Followers

Sayang Sabah - Portal Berita Negeri Kita

2,576 mogigion mosikin tomod id Kota Marudu nakaramit BR1M

12:13am 13/04/2016 Maryann 1 views Abal Kinoyonon,Berita Pilihan,Kinoyonon,Kota Kinabalu

maximus
KOTA MARUDU: Soginumu RM1.8 riong Bantuan Rakyat 1Malaysia (BR1M) pinotikid kumaa 2,576 tulun mogigion kampung mosikin tomod id watas diti di konihab.

Montiri Tanaga Tiknologi Otomou om Waig Datuk Seri Panglima Maximus Ongkili minoboros do lobi kurang 10,000 tulun mogigion id watas diti kosudong kaanu sakadai dilo om 8,000 tulun nopo nga nakaramit sakaai dilo maya akaun bank diolo.

“BR1M nopo nga iso pingisaman di pinosodia porinta montok papagaan tingorit do rayat lolobi suang walai kipandapatan tosiriba,” ka disio id ababayan panahakan BR1M id Dewan Masyarakat, do hiti di konihab.

Tumanud di Maximus, ababayan dilo nopo nga iso pingisaman do porinta madtamong kobbajikan do rayat.

Daamot dilo minopoilo nogi isido do lobi kurang 2,500 paganakan mosikin id watas diti kaanu kosuulan maya Ababayan MyBeras.

“Mogigion id Kota Marudu monikid tulan kaanu sakadai 20kg wagas mimpuun tulan abantalan,” ka disio.

Sabap dilo, sinuhu di Maximus tupis watas miuhup miampai Ponorikohon Komiti Koumoligan om Komogoton Kampung (JKKK) mooi sakadai dilo aanu potikidon kumaa diolo di kosudong mamaramit. – Dii Elezebeth Esther/ SayangSabah

Apa Komen dan Pendapat Anda

Artikel Berkaitan