Sayang Sabah Facebook

Likes
Sayang Sabah Twitter

11,761

Followers

Sayang Sabah - Portal Berita Negeri Kita

25,508 PATI pinouli poompus tulan Koiso gisom Kohopod om Iso: MKN

11:50pm 17/11/2015 Maryann 0 views Abal Kinoyonon,Berita Pilihan,Kinoyonon,Sandakan

pati-sayangsabah1-600x366
SANDAKAN: Soginumu 25,508 modidikot songkosuaian aiso kasagaan (PATI) ih sinuang id pogun diti miampai aiso kasagaan pinaatod minuli id pogun diolo mantad tulan Koiso gisom Kohopod om Iso toun diti.

Monunurat Kounsil Koumoligan Pogun (MKN) Sabah Mohd Rodzi Md Saad minoboros do mantad ginumu dilo, soginumu 20,015 tulun Filipina, 5,286 Indonesia om 207 mantad pogun do suai.

Tumanud disio osomok RM14.5 riong ginuno montok mongurus porosis paatadan toinsanan PATI dilo.

Ka disio, paatadan muli PATI toun diti minoposurat ginumu goos takawas piagalon toun pogulu diti soginumu 18,288 tulun di toun 2014; 13,222 (2013) om 12,551 (2012).

“Iti popokito pingisaman do porinta manalasai kobolihangkangan PATI om pingisaman diti mangan potilombuso montok mogintong kopio Sabah kagabas mantad kobolihangkangan PATI,” ka disio id pitimungan habar id Longkad Tahanan Daamot (PTS) Sibuga do hiti.

Minopoilo nogi ih Mohd Rodzi do ginumu ginakom PATI gisom baino id Sandakan maya karaja miuhup solinaid duo tadau nakaanu minanahan soginumu 284 tulun, ilo nopo nga 244 tulun Filipina om 40 Indonesia kiumur id pialatan iso gisom 50 toun. – BERNAMA

Apa Komen dan Pendapat Anda

Artikel Berkaitan