Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

24 PATI tinahan id Karaja Miuhup

Songulun puru pulis mamaso papanau pomorisaan id iso walai sotinggan.
Songulun puru pulis mamaso papanau pomorisaan id iso walai sotinggan.

KOTA KINABALU – Soginumu 24 tulun kikotumbayaan modidikot songkosuaian aiso kasagaan (PATI) kosuang 14 tangaanak tinahan id Karaja Miuhup, ih pinapanau puru kikuasa id tolu kinoyonon mogisuai-suai di kawawagu.

Karaja dilo ih papaampai 134 puru om apat tupisor mantad mogisuai suai agensi monguasa kosuang pulis, Koupisan Imigrisin, Koupisan Porijistaan Pogun (JPN) om Dewan Bandaraya Kota Kinabalu (DBKK) minopoindalan karaja id Kampung Lokub Menggatal om kinoyonon sotinggan id Kingfisher om Likas.

Boyoon Pulis Watas Asisten Komisioner M.Chandra minoboros do toinsanan di tinahan id karaja dilo mantad jam ko 1 gisom 8.00 kosuabon tinangayan kuminaa id Balai Polis Karamunsing montok intutunan om soriukon tumanud Seksyen 6(1)(c) Akta Imigresen 1959.

Tumanud disio, id karaja dilo, puru kikuasa minomorisa soginumu 47 tulun songkosuaian. Mantad ginumu dilo 43 tulun Polipin om apat mantad Indonesia,” ka disio id iso kointalangan hiti. – Dii DEWIANA TINGGOLONGON /Sayang Sabah
Songulun puru pulis mamaso papanau pomorisaan id iso walai sotinggan

Komen


Berita Berkaitan