Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

2,364 PATI tinahan id suang Ops Gasak id ESSZONE poompus toun 2014

Pati-3
SANDAKAN, (21 Jan) – Kinoyonon Kotungoligan Poimbida Tisan Kolisahon Sabah (ESSCOM) nakalantoi minopoindalan 33 Ops Gasak poompus toun nakatalib om popokito soginumu 2,364 modidikot songkosuaian aiso kasagaan (PATI) tinangkap, naanu laang undang-undang om pinaatod muli id pomogunan diolo.

Komander ESSCOM Dato’ Abd Rashid Harun minoboros do mantad ginumu dilo 1,727 nopo nga kusa om solobi dau tondu. Toinsanan dilo tinahan sabap aiso surat kasagaan om tinahan id mamaso karaja momorisi Zon Koumoligan Kolisahon Sabah (ESSZONE) mantad PATI.

Tumanud disio, soginumu 6,081 pinorisa poompus timpu dilo id piro-piro kinoyonon kokompungan id Esszone. Soginumu 1,519 tulun tinahan id Semporna, Lahad Datu (518 tulun) om Sandakan (187 tulun).

“Opurimanan tokou do kiis kosoruangon modidikot songkosuaian aiso kasagaan diti nopo nga kobolihangkanganh di otoguang mogigion posorili Tisan Kolisahon Sabah, lolobi id watas Semporna, Tawau, Kunak, Lahad Datu om Sandakan.

“Id suang ahal diti, kada tokou ponguhup do popolisok dilo PATI, nga isai-isai dokoyu ih koilo haro PATI, poruputo kumaa puru kotungoligan,” ka disio.

Minoboros isido miagal dilo id ababayan Pirubaan ESSCOM Miampai Mogigion Mukim Rancangan Sungai Manila id Walai Lintuhunon Penyayang Taman Cahaya Kampung Muhibah, somok hiti, di tadau baino.

Nokotindapou nogi ih Monguhup Montiri Porinta Kinoyonon om Pomuwalaian Pogun Datuk Zakaria Edris, Potunud Kogumuan Esscom Ruji Ubi om Boyoon Bohogian Khidmat Kourusetiaan Esscom Newmond Tibin.
Tumanud di Abdul Rashid, mogigion di oilaan momolisok do PATI kasala id siriba Akta Imgresen om milo hukumon tolungku gisom limo toun, danda RM10,000 toi ko koduo-duo dau. – BERNAMA

Komen


Berita Berkaitan