Sayang Sabah Facebook

Likes
Sayang Sabah Twitter

11,658

Followers

Sayang Sabah - Portal Berita Negeri Kita

2016 toun ogumu kaantaban: Musa

10:51pm 07/03/2016 Maryann 1 views Abal Kinoyonon,Berita Pilihan,Kinoyonon,Kota Kinabalu

musa25-600x366
KOTA KINABALU: Toun 2016, toun lobi ogumu kaantaban miampai kowowoyoon ekonomi sompomogunan di amu songkuro osonong om manahak waya kumaa toinsanan pogun.

Boyoon Montiri Datuk Seri Musa Aman minoboros do, sabap dilo porinta pogun tumilombus papanau impohon do balanja mongikit kikit montok potimporon kaadangon kousinan pogun.

Minoboros isido miagal dilo ontok minanahak pason id ramai Pitimungan Perdana Kotorinaan Porinta Pogun om Longkod ongkod 2016, id Auditorium Tun Ahmad Raffae, Menara Tun Mustapha, do hiti di baino.

Ka disio, porinta pogun nga tumilombus popoburu kopotutan om kosiwatan tanak Sabah mongingit karaja kiguno id suang toiso-iso koupisan pogun om longkod.

“Tupisor porinta pogun om longkod mantad pogun diti i kipotutan mongingit karaja dilo kasasari onuan do kosiwatan. Karait kosiwatan luguan ngawi koupisan mantad tanak ngawi Sabah, pointantu no do poburuon tokou okon ko id sawat kowowoyoon koponompogunan, nga id sawat bohogian merit.

“Nung sosongulun diolo hro tonggungan, kopotutan om kualiti, pointatap tokou sumokodung om popointanga gisom koigit karaja kiguno id nayatan longkod,” ka disido.

Minoboros ih Musa, mantad ahal ‘devolution of power’ toi ko kopolintuhunan kuasa do Porinta Longkod kumaa Porinta Pogun Sabah, ilo mangan pibarasai om nopiokunan di Luguan Montiri.

“Pinibarasan dotokou, pinolombus dotokou om poburuon tokou ahal diti om pointantu no do kassaga o porinta longkod montok polintuhun kuasa kumaa porinta pogun id suang monorina piro-piro bohogian.

“Mongunsikou tokou tu porinta longkod lolobi noh kopio I luguan montiri nakaakun no polintuhun kuasa kumaa porinta pogun id monorina piro-piro bohogian i apatut dilo lobi osonong, lobi kosudong om pointantu no do apatut kotorinaan do porinta pogun,” ka disio.

Ababayan dilo notindapou lobi kurang 1,300 kukumaraja porinta pogun om pisompuruan. – SayangSabah

Apa Komen dan Pendapat Anda

Artikel Berkaitan