Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

20,000 guas kayu asli tinanom id Batu Putih, Kinabatangan

Dr. Benoit Goossens (wanan) om Rosli Jukrana (duo mantad wanan) minanahak boboroson oniba kumaa di Pang Yuk Ming (tolu mantad wanan) om Yun (apat mantad wanan) karait porojik pananaman guas kayu asli id Batu Putih, Kinabatangan. -foto ihsan DGFC
Dr. Benoit Goossens (wanan) om Rosli Jukrana (duo mantad wanan) minanahak boboroson oniba kumaa di Pang Yuk Ming (tolu mantad wanan) om Yun (apat mantad wanan) karait porojik pananaman guas kayu asli id Batu Putih, Kinabatangan. -foto ihsan DGFC

KINABATANGAN – Kinoyonon Batu Putih, do babaino diti nolitupan noh somok 20,000 guas kayu asli, kalapas siam tulan pinanagadan pikikiro 400 guas kayu piasau mamau ih tinanom miampai aiso kasagaan do Ladang Kinabatangan.
Ababayan pananaman kawagu id kinoyonon nokomoi pinapanau bohogian pomuliharaan habitat gouton Koporasi Ekopelancongan Komuniti (KOPEL) Berhad miampai ponguhupan Yayasan Sime Darby om Nestlé Project RiLeaf
Pongurus Eksekutif Kopel, Rosli Jukrana minoboros do ginumu toinsanan kinoyonon dii tanaman kawagu dilo soginayo 10 hektar.
“Tinimungan dahai mingisom do kumaraja papalantoi porojik diti om gisom baino karaja pananaman kawagu guas do kayu asli kakal poindalan,” ka disio.

Porosis pobibitan guas kayu asli id kinoyonon Batu Putih. – foto ihsan DGFC
Porosis pobibitan guas kayu asli id kinoyonon Batu Putih. – foto ihsan DGFC

Pogulu dilo, tinanud isido Duta Besar Amerika Syarikat id Malaysia, Joseph Yun ih minongoi tombului id kinoyonon Batu Putih kopihondot kotombuluian duo tadau disio id Longkod Ponoriukan Danau Girang (DGFC).
Nakatanud nogi ih Monguhup Turut Montiri Koubasanan, Kotombuluian om Ahal Misorili Datuk Pang Yuk Ming; Potunud DGFC, Dr. Benoit Googssens om Tupisor Wanan Montok Hidupan Liar Watas Kinabatangan, Jimli Perijin. – Dii Sitti Nor Azizah Talata / SayangSabah

Komen


Berita Berkaitan