Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

200 kiis dinggi pinoruput poompus toun nakatalib

denggi-600x367
PUTATAN – Lobi 200 kiis dinggi pinoruput poimpuli Sabah poompus toun nakatalib gisom kotimpuunon tulan diti, nga id timpu dilo aiso kiis nokorundun do pinoruput.

Monguhup Montiri kumaa Boyoon Montiri Datuk Ir.Edward Yong Oui Fah minoboros do mantad ginumu dili pikikiro 100 kiis pinoruput naantakan id kinoyonon kakadaian Kota Kinabalu.

“Mulong do ingkaa, kiis demam dinggi id kinoyonon kakadaian Kota Kinabalu nopo nga aantaban, sabap Koupisan Kolidasan kasasari manganu laang do mangantob korolihan toruol dilo,” ka disio.

Minoboros isido miagal dilo kumaa maganu habar kalapas ababayan Angkat Sumpa om Patahakan Watika Palantikan Puru Kounsil Watas Putatan, montok timpu tulan Koiso 2015 gisom Kohopod om Duo 2016, hiti di konihab.

Sabap dilo, alansan isido moi toinsanan mogigion kinoyonon manahak ponguhupan miampai madtamong kolidasan om koborisian id kinoyonon diolo om momunso tiyonon do togonok Aedes id kinoyonon diolo.

Ka di Edward, kiis dinggi diti okon ko kiis do wagu sabap poompus toun nakatalib pikikiro 100 kiis pinoruput id kinoyonon Kota Kinabalu kosuang Penampang, Likas om 1Borneo. – Dii Monica Gidong / SayangSabah

Komen


Berita Berkaitan