Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

19,900 bungkus sogirit kigatang RM197,763 naahau

tawau ppm..1-1-600x411

TAWAU – Soginumu 19,900 bungkus sogirit mogisuai-uai ngaran kigatang RM197,763 kalapas sukai numbalan mongolim montok padagangon id kinoyonon naahau do Tinimungan Pulis Marin (PPM) raan Tawau, id suang Ops Paradise, hiti di songkosodop.
Komander PPM Wilayah Sabah, Asisten Komisioner, Mohamad Madun minoboros do, miampai kinalantaian minangahau dilo poposiliu kiis kumoiso kinalantaian PPM watas diti toun baino.
Tumanud disio, operasi magahau sogirit dilo pinapanau pukul 4.30 sosodopon id tisan bawang Hj Matahir miampai sontinimungan puru tinanud id Ops Paradise kuminaa id kinoyonon dilo kalapas nakaanu kointalangan tulun ginumuan.
“Puru dahai minomorisa iso sulap araat aiso poingion om nokobontol piro-piro kutak poinglopot do polositik kisuang do sogirit mogisuai-suai ngaran.
“Kalapas magandad somok duo jaam id kinoyonon dilo, aiso tiso tulun ruminikot mongoi dilo kutak poinglopot om kalapas dii noowit kumaa id Pangkalan Polis Marin montok laang potilombus,” ka disio.
Kiis dilo soriukon tumanud Seksyen 135 (1) (d) 1967 Akta Kastam. – Dii Masani Sandan / SayangSabah

Komen


Berita Berkaitan