Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

18,049 PATI nuyung mantad Sabah di toun nakatalib maya 330 karaja id kinoyonon Esszone

Datuk Seri Ahmad Zahid Hamidi. – foto Jimmy Tan
Datuk Seri Ahmad Zahid Hamidi. – foto Jimmy Tan

KOTA KINABALU – Media sosial pinosorou moi amu manambalik pingisaman do porinta pogun om longkod id suang papanau karaja manalasai mogisuai-suai kobolihangkangan karait PATI id pogun diti.

Montiri Suang Pogun Datuk Seri Zahid Hamidi, minokianu kumaa media sosial do monguhup popointalang ahal om pingisaman do porinta manalasai kobolihangkangan PATI kumaa tulun ginumuan.

“Alansan yahai, manahak ponguhupan o media social … okon ko sumaap dahai sabap nunu ih mangan dahai (porinta pogun om longkod) papanaho diti montok kosuulan toinsanan mogigion,” ka disio.

Minoboros isido miagal dilo kumaa maganu habar kalapas minonorikohon Mitingan Komiti Induk Pongurusan Modidikot Songkosuaian id Sabah, miampai Boyoon Montiri Datuk Seri Musa Aman, id Wisma Innoprise, Likas, do hiti.

Nokotindapou nogi Boyoon Pulis Pogun Tan Sri Khalid Abu Bakar om Posurujaya Pulis Sabah, Datuk Jalaludin Abdul Rahman.

Ilo nopo nga mitingan kumoinsan do Komiti Induk nokomoi montok mogiboboros Terma Rujukan om puru ngawi ih kaampai id Komiti Pongurusan Modidikot Songksouaian id Sabah ih notumboyon do montori ngawi longkod ih nokomiting di tadau ko-28 tulan Koiso nakatalib.

Tumanud di Zahid, soginumu 330 operasi di toun 2014 pinapanau om soginumu 18,049 PATI om yolo ih minanahub kooturan imigresen nuyung mantad pogun diti.

Mantad ginumu dilo ka disio tulun Filipina nopo nga soginumu 14,098 tulun, Indonesia (3,751) om suai nopo nga mantad pogun suai miagal Pakistan, Turki, China, Vietnam, India, Uzbekistan, Nepal om Thailand.

Montok toun baino, mantad tulan Koiso, soginumu 132 karaja mogiuhup pinapanau poimpuli pogun Sabah ih pinapanau maya Esscom. – Dii Sitti Nor Azizah Talata / SayangSabah

Komen


Berita Berkaitan