Sayang Sabah Facebook

Likes
Sayang Sabah Twitter

11,817

Followers

Sayang Sabah - Portal Berita Negeri Kita

171 PATI tinahan id Ops Miuhup MKN id Sandakan

12:15am 04/04/2016 Maryann 1 views Abal Kinoyonon,Kinoyonon,Sandakan

pati sandakan
SANDAKAN : Soginumu 171 modidikot songkosuaian aiso kasagaan (PATI) tinahan id karaja miuhup Majlis Keselamatan Negara (MKN) id posorili watas diti solinaid duo tadau.

Monunurat MKN Sabah Rodzi Md Saad minoboros do mantad ginumu dilo, 156 nopo nga tulun Filipina, 13 (Indonesia) om duo tulun (Pakistan).

Ka disio toinsanan PATI dilo tinahan id siriba Seksyen 6(1)(c) om Seksyen 15(1)(c) Akta Imigresen 1959/63 (Pinoundaliu 2002) om Kooturan-Kooturan Imigresen sabap kasalaan sumuang om miyon id pogun diti miampai aiso kasagaan.

“Toinsanan 171 PATI kiumur iso gisom 60 toun om tinahan daamot id Longkod Panahanan Daamot (PTS) Sibuga, Sandakan,” ka disio id iso kointalangan do hiti.

Tumanud disio id suang karaja miuhup dilo, tinimungan monguatkuasa minomorisa soginumu 507 tulun kikotumbayaan PATI.

Minoboros ih Rodzi gisom kolimpupuson tulan Kotolu diti 4,329 PATI tinahan id apat PTS id pogun diti.

Ka disio, 1,613 PATI poingion id PTS Kota Kinabalu, 1,353 PATI id PTS Papar, 449 PATI id PTS Sibuga om 914 PATI id PTS Tawau. Id suang timpu tulan Koiso gisom Kotolu toun diti 6,982 PATI pinouli id poun nantadon diolo. – BERNAMA

Apa Komen dan Pendapat Anda

Artikel Berkaitan