Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

160 momoli PPRT Meruntum om Ketiau noudutan, tolu tondu tinahan

PPRT

PENAMPANG – Tinahan do pulis tolu tondu kinoyonon kikotumbayaan nakaampai id kiis ponipuan kapaampai Porojik Pomuwalaian Rayat Mosikin (PPRT) Meruntum om Ketiau Putatan di tadau Kaapat.

Boyoon Koupisan Ponoriukan Kasalaan Pidagangan Sabah, Superitendan Md Razif Alang Mat Jaya miinoboros do id ponugkuan tolu kinoyonon misuai, naahau nogi pulis tusin soginumu RM78,700 om mogisuai suai salinan surat pangapalaian walai mantad tolu tondu natandasan kiumur id pialatan 25 gisom 30 toun.

Ka disio mantad ponoriukan tosopung noilaan do ih natandasan mantad Taman Look Kasi, Papar minomonsoi iklan pilasu kumaa tulun ginumuan karait pamadagangan walai miampai gatang RM62,000 om duo poh kawagu ih natanasan mogihum tulun momoli.

“Soginumu 160 tulun minambarai RM1,400 monikid sontulun sabaagi tusin pomuking kalapas noudutan dilo,” ka disio om minoboros do duo kawagu ih natandasan mantad Kampung Baru Luyang om Kampung Luyang ih kaanu komison RM500 om RM900 monikid toiso iso momoli. – Dii Nuzir Andi Samsiar /sayangsabah

Komen


Berita Berkaitan