Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

16 tulun tinahan kikotumbayaan nakaampai id kiis manakau motosikal

CURI MOTOR 11

KOTA KINABALU: Tinahan do pulis 16 tulun kikotumbayaan nakaampai id piro-piro kiis manakau motosikal id “Op Lejang” id posorili kakadaian Kota Kinabalu om longkod pomoli molian do hiti koririmpuunon toun diti.

Boyoon Pulis Watas Kota Kinabalu ACP M.Chandra minoboros do toinsanan diolo kiumur id pialatan 16 gisom 30 toun.

“Asil ponoriukan, noilaan tokou do iyolo nopo nga minanakau motosikal sabap maganu iyolo pamaganti di naraag sabap kaampai yolo karaja mat rempit. Papanau iyolo karaja tumanud sontinimungan tokoro,” ka disio kumaa maganu habar id ababayan pangantaban kasalaan tagayo manakau motosikal id Pondok Polis Warisan Square, somok hiti.

Tumanud di Chandra, ookon tadon apanakahan motosikan nopo nga kobilihu sanganu motosikal miagal popoiliu kunsi id motosikal, amu mongunsi ‘handle’ di motor om aiso kunci pendua.

Ka di Chandra, ginumu kiis napanakahan motosikal id Kota Kinabalu mantad tulan Koiso gisom Koduo toun diti soginumu 49 kis, nokoinsiriba piagalon 75 kiis id timpu miagal toun nakatalib. – BERNAMA

Komen


Berita Berkaitan