Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

16 kikotumbayaan PATI tinahan id karaja poimbida id Lahad Datu

pejabat-LD-dan-esscom-2-600x338

LAHAD DATU – Soginumu 16 tulun modidikot songkosuaian aiso kasagaan (PATI) mantad Filipina tinahan id suang karaja miuhup poimbida Tupis Watas Lahad Datu om Kinoyonon Kotungoligan Poimbida Tisan Kolisahon Sabah (Esscom) id posorili kakadaian Lahad Datu, hiti di konihab.

Tumanud dii Monunurat Porinta Pogun, Tan Sri Sukarti Wakiman, karaja dilo montok mangasu om momorisi kakadaian Lahad Datu mantad PATI om karaja pongindopuan aiso kasagaan

“Toinsanan di tinahan mangan pootodo muli id tadon pomogunan diolo dii Koupisan Imigrisin. Karaja dilo pinotimpuun jaam ko-8 kosuabon minapaampai mogisuai-suai agensi porinta pogun om longkod kosuang nogi Koupisan Imigrisin, Koupisan Porijistaan Pogun, Koupisan Monginsada, Koupisan Kolidasan, Raan KPDNKK, Koipisan Padsakaian om Kounsil Watas Lahad Datu.

“Minton o porinta kakadaian Lahad Dati diti bibas mantad PATI om mongindapu aiso kasagaan (kogumuan PATI). Sasabap dilo, potilombuson tokou iti karaja okon nopo ko id Lahad Datu nga id kinoyonon do suai id Zon Atampasi Kolisahon Sabah (Esszone),” ka disio id iso kointalangan habar, hiti di konihab.

Nokotindapou id karaja dilo, Komander Esscom, Datuk Abdul Rashid Harun; Potunud Kogumuan Esscom Ruji Ubi om Tupisor Watas Lahad Datu, Iman Ali.

Ka di Sukarti, karaja momunso PATI dilo nopo nga laang sumusuhut Ruputan Suruhanjaya Diraja (RCI) karait PATI id Sabah ih pinabantang id mitingan Komiti Kotungoligan Pogun (JKKN) di kawawagu ih ponorikohon dau Boyoon Montiri Datuk Seri Musa Aman. – Dii Monica Gidong / SayangSabah

Komen


Berita Berkaitan