Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

16 kiis ponipuan padagang babarang id internet

douglas

KENINGAU: Soginumu 16 kiis ponipuan padagang babarang maya Internet kapaampai susumikul kolej om uniborsiti, kukumaraja porinta om suri rumah id watas diti ih pinoruput mantad tulan Koturu 2014 gisom tulan Koturu diti.

Boyoon Pulis Watas, Deputi Superintendan Douglas Nyeging Taong minoboros do kiis dilo minoposurat pikikiro RM33,000 ginumu kinorugian om kiis kawawagu di tadau ko-19 tulan Koturu kapaampai songulun suri rumah kiumur 24 toun.

“Mungui norugi RM6, 900 sasabap noudutan do panahakan gatang osiriba gatang iso talipaun tiigiton id laman sosial Facebook om minoposuang soginumu tusin miagal di pinokianu id akaun di natandasan om id timpu duo minggu soira nokosuang ih tusin, amu aanu momoromut di natandasan,” ka disio id pitimungan habar do hiti di konihab.

Ka disio, kiis dilo soriukon tumanud Seksyen 420 Kanun Keseksaan.

Minamason nogi ih Douglas kumaa tulun ginumuan do kasasari mintong intong dilo panahakan osiriba gatang id laman sosial. – Dii Kalawon Sawing / SayangSabah

Komen


Berita Berkaitan