Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

1,500 suang walai id Sabah nopili moniis kosolimbahan DDT

mytv1KOTA KINABALU – Somok 1,500 suang walai id Sabah pinili sumiliu tutumanud poniisan kosolimbahan Televisyen Digital Terestrial (DTT) mimpuun tadau ko-27 tulan Koturu gisom tulan Kohopod om Duo diti, ka di Boyoon Tupisor Komersial MYTV, Haniza Ros Nasaruddin.

Ka disio, toinsanan tutumanud di nopili dilo id suang piolitan sinodu lobi kurang 25 kilometer gisom 100 kilometer mantad tapak pamabangan televisyen dilo id Bukit Karatong.

Haniza Ros minoboros do tutumanud di nopili karamit pamasangan dekoder MYTV daamot miampai aiso kabarai om kaanu soginumu turu kosolimbalan, ilo nopo nga TV1, TV2, TV3, NTV7, TV8, TV9 om TV AlHijrah id suang bohogian digital montok fasa koiso.

Ka disio dekoder daamot dilo mangan alanai miampai dekoder kawawagu id fasa kosolimbahan poonisan DTT kopupuson toun diti.

“Ontok fasa poniisan diti, MYTV momonsoi paalanan mantad kosolimbahan analog kumaa digital i notimpuunan tulan Kaapat nakatalib id piro-piro kinoyonon nopili id Semenanjung miagal id Pahang, Terengganu om Kelantan om Sabah nopo nga i koiso id Malaysia Timur (papanau poniisan kosolimbahan),” ka disio kumaa Bernama do hiti di konihab.

Ka disio, fasa kosolimbahan poniisan dilo nopo nga montok mogintong sinonong kosuangan digital mantad bohogian vinakas koponorimaan binabang om kualiti gambar i aramit do momoguno suang walai pogulu pointutunon id ralan poimbida onok tulan Koiso toun abantalan.

Minoboros isido do Sabah, kiginumu tolu watas nopili sabaagi stesen pamabang montok kosolimbahan MYTV, ilo nopo nga Bukit Karatong id Kota Kinabalu, Nulu Andrassy id Tawau om Bukit Trif id Sandakan – Bernama

Komen


Berita Berkaitan