Sayang Sabah Facebook

Likes
Sayang Sabah Twitter

11,697

Followers

Sayang Sabah - Portal Berita Negeri Kita

12 kotinanan tinaru tinanud id Karnival Pomoinan Rayat Sandakan

6:41pm 26/04/2016 Maryann 0 views Abal Kinoyonon,Kinoyonon,Kota Kinabalu

23 sandakan Folklore_costumes-600x460
SANDAKAN: Soginumu 12 kotinanan tinaru id pogun diti tinanud id Karnival Pomoinan Rayat, Taakanon Koubasanan om Kraf Tinunturu Tinaru Sabah Koduo do hiti.

Ponorikohon Kotinanan Koubasanan Pogun Sabah Datuk Wences Anggang minoboros do karnival dilo pohoroon montok pointutun kopogisuai-suaian om kolumison pomoinan do rayat, taakanon koubasanan om tinunturu tinaru Sabha kumaa mogigion kinoyonon om tutumombului songkosuaian.

Karnival dilo nga kituduan manahak kopurimanan kumaa mogigion mooi kaanu miampai momiara om manamong harata tinungkusan ih notungkusan mantad taki todu.

“Ih tokou haro 35 tinaru om mogisuai-suai koubasanan. Sabap dilo kopoonjuran do ababayan diti nopo nga waya tosonong montok manahak kopurimanan kumaa mogigion.

“Otumbayaan oku miampai pingisaman miagal diti kaanu tokou popointutun om poimbulai pomoinan do rayat, taakanon koubasanan om kraf tinunturu tinaru Sabah id tanga mogigion lolobi tinimungan komulakan,” ka disio.

Minoboros isido miagal dilo soira minopotimpuun carnival id Kompleks Sipoot Sandakan do hiti.

Boboroson dau pinolombus di Kumoduo Ponorikohon Kotinanan Koubasanan Pogun Sabah Datuk Jaimin Supita.

Wookon nopo tinanud do carnival dilo nga Kotinanan Koubasanan om Kobajikan Bajau Sama, Kotinanan Koubasanan, Kosonian om Tinaru Suluk, Tinimungan Kadazan Dusun Labuk, Kotinanan om Kobajikan Koubasanan Mogigion Tidong, Kotinanan Soni om Tradisi Bajau Kudat, Kotinanan India Sandakan, Kotinanan Piuludan Rumpun Bugis, Persatuan Etnik Sungai Bersatu Sabah om Persatuan Masyarakat Brunei Kampung Tanjung Aru. – BERNAMA

Apa Komen dan Pendapat Anda

Artikel Berkaitan