Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

114,559 PATI id Sabah pinorisa

ZAHID HAMIDI

KOTA KINABALU: Mantad tadau ko-1 tulan Koiso gisom 30 tulan Koturu toun diti, soginumu 114,559 tulun modidikot songkosuaian aiso kasagaan (PATI) id Sabah pinorisa om pinaatod kumaa longkod-longkod panahanan daamot (PTS).

Longkod panahanan daamot dilo nulud do Kounsil Koumoligan Pogun (MKN) Sabah daamot magandad PATI dilo pootodon muli id pogun diolo soira asalasai toinsanan ponoriukan om pamadawaan.

Boyoon Montiri, Datuk Seri Musa Aman minoboros do porosis pongugadan PATI nga pinoingkawas om pinosikap nogi.

Tumanud disio dii toun 2013, soginumu 13,222 PATI nugadan kumaa pogun diolo piagalon nokoingkawas 17,607 tulun di toun nakatalib.

Montok toun diti, ka dii Musa id timpu turu tulan nopo gisom 30 tulan Koturu diti, ginumu nugadan korikot 15,368 tulun om rikoton toun diti soginumu 22,000 PATI ugadan muli id pogun diolo.

“Montok manampung pianan daamot do PATI di ginakom id karaja ponguatkuasaan poimpuli pogun diti mimpuun kotimpuunon toun diti, porinta pogulu diti minomutus do momonsoi kawagu PTS Menggatal.

“PTS dilo nopongoh noh om notimpuunan noukaban di tadau ko- 26 tulan Koduo toun diti id siriba pongurusan do MKN om ngaran nopo dau nga PTS Kota Kinabalu.

“PTS diti haro komudahan montok poporumpos soginumu 2,100 PATI id toiso-iso timpu. Pongukaban do PTS Kota Kinabalu diti nakaanu minongikuri ahal kasalatan id PTS dii haro mantad om nogi potilombus mogintong pamalanan karaja ponguatkuasaan aanu papanahon potilombus,” ka disio.

Minoboros isido miagal dilo id Mitingan Komiti Tagayo Pongurusan Tulun Songkosuaian pogun Sabah di baino.

Ka di Musa porinta minaganu ponginsamakan di lobi kiwaya montok popogirot piuhupan om pirotian miampai tupuis kodutaan pogun labus ih mogigion dau insaru kaampai kosiliu PATI. – Dii Sitti Nor Azizah Talata / SayangSabah

Komen


Berita Berkaitan