Sayang Sabah Facebook

Likes
Sayang Sabah Twitter

11,823

Followers

Sayang Sabah - Portal Berita Negeri Kita

110 kiis denggi id Sabah gisom 9 tulan Koiso nakatalib

12:11pm 19/01/2016 Maryann 0 views Abal Kinoyonon,Kinoyonon,Kota Kinabalu

dengi
KOTA KINABALU: Soginumu 110 kiis demam denggi naantakan poimpuli Sabah gisom tadau ko-9 tulan Koiso nakatalib, nokoingkawas 41 kiis toi ko 59.4 pihatus piagalon timpu miagal dilo toun nakatalib.

Potunud Koupisan Kolidasan Sabah Dr Christina Rundi minoboros mantad ginumu dilo, tolu kinoyonon minoposurat kiis takawas ilo nopo nga 38 kiis id Sandakan, tinanud do Tawau (16 kiis) om Kota Kinabalu (15 kiis).

“Suai koi lo, soginumu 25 kinoyonon korolihan pinoruput, ilo nopo nga id Sandakan miampai 15 kinoyonon, Kota Kinabalu om Lahad Datu toiso-iso dilo tolu kinoyonon, Penampang (2) om toiso-iso iso kinoyonon id Tenom om Tawau,” ka disio id iso kointalangan do hiti di konihab.

Komontirian Kolidasan di kawawagu minangaga koingkawasan kiis denggi kotilombus gisom tulan Kotolu diti sasabap fenomena El-Nino ih mogowit kowowoyoon di oindamaan alasu om okoring om kowowoyoon dilo pikikiro aantakan id pogun diti. – BERNAMA

Apa Komen dan Pendapat Anda

Artikel Berkaitan