Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

11 kikotumbayaan potikid om mangakan dadah ginakom

syabu tawau
TAWAU: Polis Tawau nakaanu minamagakom 11 kusai sabap mogisuai suai kasalaan momoguno dadah kalapas ponugkuan iso sulap id kabun piasau sawit id KM16, Jalan Apas, tadau Koduo nakatalib.

Boyoon Pulis Watas Tawau, ACP Fadil Marsus minoboros do kusai kiumur id pialatan 18 om 55 toun dilo kikotumbayaan momoguno sulap kitaap do roun piasau sawit dilo sabaagi tiyonon do padagang do dadah om mangakan do dadah.

Id ponugkuan pikikiro jam 4.30 kosuabon dilo, om nopupusan pikikiro turu jam, soginumu 22 puru mantad Bohogian Pangantaban Kasalaan Tawagat om Koumoligan Mogigion om nogi Bohogian Ponoriukan Kasalaan Narkotik binuruan dii DSP Jasmin Hussin.

“Mamaso sinugkuan, toinsanan di natandasan amu mamaso atangkangau sabap dadah om amu nokopuriman kinorikatan do pulis. Soira nokopuriman kinorikatan do pulis, mumbal yolo mogidu nga puru dahai nakaanu minongopung om minanahan diolo,” ka disio id iso kointalangan do hiti di konihab.

Id ponugkuan dilo, naahau nogi pulis dadah syabu, kiwinagat 5.1 gram pinosuang id 18 sisiopon.

Tumanud dii Fadil songulun mantad di natandasan kiumur 33 toun kikotumbayaan potikid do dadah tinahan id siriba Seksyen 39A(1) Akta Dadah Berbahaya (ADB) 1952 om ih suai tinahan id siriba Seksyen 15 (1)(a) ADB 1952. – BERNAMA

Komen


Berita Berkaitan