Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

107 saman pinosoliwan, limo korita noowit kuminaa balai pulis

saman1

KOTA KINABALU –Soginumu 40 padsakaian ilo nopo nga 15 tinan korita om 25 motosikal pinorisa id karaja pangantaban talun alun id duo kinoyonon misuai, di songkosodop.

Asil pomorisaan dilo, 107 saman pinosoliwan, ilo nopo nga 72 koping 170A om 35 koping Pol257 kumaa papanau padsakaian sabap mogisuai-suai kasalaan.

Karaja pangantaban talun alun dilo pinapanau id Jalan Coastal om Jalan Lintas Luyang nokotimpuun jam 11.30 totuong tadau Koonom gisom jam 4.00 kosuabon tadau Minggu.

“Soginumu apat motosikal o miso korita sinita om tinahan id Balai Pulis Trafik IPD soira noilaan nakaampai mogisuai suai kasalaan id siriba Seksyen 60 Akta Padsakaian Talun-Alun 1987,” ka di Boyoon Pulis Watas Asisten Komisioner M.Chandra.

Daamot dilo, Ops Mabuk id Jalan Coastal mimpuun jam 1.00 gisom 3.00 kosuabon tadau Minggu minopokito duo papanau tinahan om noowit kuminaa id Balai Polis Trafik selepas soira noilaan positif id poniisan tiinumon kaauk.

Soginumu 16 puru om songulun tupisor Polis Trafik nakaamoai id karaja dilo. – Dii Nuzir Andi Samsiar / sayangsabah

Komen


Berita Berkaitan