Sayang Sabah Facebook

Likes
Sayang Sabah Twitter

11,687

Followers

Sayang Sabah - Portal Berita Negeri Kita

1,000 tikit piri mintong Sabah miala Felda United

11:13pm 28/01/2016 Maryann 3 views Abal Kinoyonon,Berita Pilihan,Kinoyonon,Tawau

bola
TAWAU: Soginumu 1,000 tikit piri pikikiro patahakon kumaa di tongo orohian do mimbuul id watas diti montok mintong pialaan id pilatan Tiim Sabah miala do Felda United id Kompleks Sipoot Tawau.

Pongurus Tiim Sabah, Datuk Nizam Abu Bakar Titingan minoboros do, tikit piri dilo mangan potikido kumaa 1,000 tulun ih osopung korikot mamaso pamain Sabah miruba pominat tadau Koonom diti (30 tulan Kosio).

“Pirubaan miampai pominat dilo pohoroon id Kompleks Sipoot Tawau mimpuun jam 2 gisom 4 sosodopon om okon ko id Kadai Grace One Fajar miagal di nokosunud pogulu diti,” ka disio.

Kopihondot ababayan dilo, mogisuai-suai ababayan pohoroon miagal pokikitanan suminding, miruba pominat, panahakan tikit piri om gumambar nga pohoroon nogi montok mamagatang sokodung tongo pominat mimbuul Sabah.

Pirubaan do Sabah miala Felda United kapanau ontok tadau ko-31 tulan Koiso diti, ilo nopo nga pialaan kolimpupuson kopihondot pialaan mimbuul naalap Safa Tawau mimpuun ko-29 gisom ko-31 tulan Koiso diti. – Alanna Adam/Sayangsabah

Apa Komen dan Pendapat Anda

Artikel Berkaitan