Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

1,000 mogigion id kosusaan monikid tadau

Kowowoyoon sunsuion kayu di naraag om koligogon. - foto Kalawon Sawing
Kowowoyoon sunsuion kayu di naraag om koligogon. – foto Kalawon Sawing

KENINGAU –Lobi 1,000 mogigion mantad onom kampung, ilo nopo nga Kampung Pengaraan, Pohon Batu A, Pohon Batu B, Sumbiling, Binanun om Nangkawangan, kotoguang kosusaan monikid tadau soira asansagan tumalib sunsuion kayu ih koligogon sasabap aiso wayaan do suai id kinoyonon dilo.

Sabap dilo mokianu o mogigion kampung kumaa porinta moi poposikap monginsonong piro-piro sunsuion di naraag id Ralan Lumiri – Pohon Batu ih amu milo awayaan do korita.

Songulun momuruan mogigion Andoroh Andipoh minoboros do mogigion kampung do babaino diti kotoguang kobolihangkangan soira sumoliwan mantad kampung kumaa id Kakadaian Keningau, Sook om Nabawan om nogi montok papaatod tulun kampung di sumakit id walai pongubatan.

Tumanud di Andoroh, suai ko mogigion id onom kampung nokomoi, mongingia id apat sikul miagal SK Pengaraan, SK Pohon Batu, SK Binanun OM SK Nangkawangan, nga kotoguang nogi kobolihangkangan. – Dii Kalawon Sawing / SayangSabah

Komen


Berita Berkaitan